港式啖啖肉羅宋湯食譜（Borshch）

港式羅宋湯同真正的俄羅斯羅宋湯真係好唔同無論味道、材料、色彩都唔同，但我已經食慣左，所以覺得香港羅宋湯都唔遜色呀！我今日整個有得食又有得飲又啖啖肉的羅宋湯，配埋法包就成為好豐富的晚餐！

材料：

金錢𦟌肉  2磅

蕃茄         4個

甘荀         2支

洋蔥         1個

椰菜         半個

西芹         3支

牛油         1湯匙

高湯         1公升

茄膏         1罐

蒜蓉         2片

月桂葉     3- 4片

辣椒油     少許

Tabasco   隨意

鹽             少許

胡椒粉      少許

糖             少許

香草          少許

步驟：

1. 蔬菜全部洗淨切件，備用。

2. 金錢𦟌抹乾，煎一煎表面， 備用。

3. 用牛油煎香蒜蓉同洋蔥，加入甘筍、西芹、番茄同椰菜炒勻。

4.加入茄膏略炒，再加高湯、金錢𦟌同月桂葉用中火煲1小時。 

5. 完成後加辣椒油、Tabasco、 鹽、糖和胡椒粉，湯上碟加香草，金錢𦟌切件攞上。

溫馨提示：

如果用牛尾就香d，但係肉就少，所以今次用左金錢𦟌煮，有得食番。