炸雞冷撈麵（Mixed Noodles with fried chicken )

同小朋友玩完街頭冷撈麵小食遊戲，順帶整埋個晚餐比屋企人食，材料醬汁同做法大同小異，但今次加入海蜇頭同炸雞，令晚餐更加豐富同吸引！今次真係滿足左大人同小朋友！

材料：

拉麵——2包

青瓜絲——少許

炸雞—— 2件

天婦羅脆粒——少許

海蜇頭——少許

芝麻——少許

重點醬汁：

現成蒜蓉——1-2湯匙

蠔油——1湯匙

甜醬——1.5-2湯匙（如果鐘意濃味，又帶咸鮮味可改成海鮮醬，那蠔油就要減少）

茄汁——少許

糖漿——少許

水——少許

麻油—-少少許

💋鍾意食辣可以加埋辣醬同埋咖喱醬

步驟：

1. 海蜇頭泡水3-4小時，中間換幾次水以減低海蜇頭的鹹味。
2. 拉麵煮熟過冷河，青瓜切絲。
   
3. 煲滾水，放入海蜇頭燙約30秒左右，放涼切塊備用。                         
4. 拉麵均勻地拌入醬汁，放上青瓜和海蜇頭後放進雪櫃冷藏，食用時加上切件炸雞、炸天婦羅脆粒和芝麻，完成。
   
   
   
   
   

香港街頭小食-冷撈麵（Mixed Noodles)

抗疫期間，大家都諗盡方法同小朋友玩！今日我就同我小朋友製作一款小食，早上洗材料、切材料、煲材料、再包裝冷藏、然後玩小賣部遊戲，足足可以滿足一日放電嘅時間！這款小食製作簡單味道又好，有得玩、有得食、有學習、大人小朋友都好滿足！等我介紹吓今日嘅心水推介-街頭冷撈麵小食，這款就係深受年輕人歡迎的袋裝冷麵店，將麵同餸倒進透明小膠袋，再落醬料拌勻。

材料：

拉麵——1-2包

螺肉——少許

青瓜絲——少許

紅蘿蔔絲——少許

雞肉—— 少許

菜類——少許

粟米——少許

蓮藕片——少許

可隨個人喜好加入腸仔、牛柏葉、海蜇、蟹柳、八爪魚、中華沙律、魷魚、鮑魚片、麵類

重點醬汁：

現成蒜蓉——1-2湯匙

蠔油——1湯匙

甜醬——1.5-2湯匙（如果鐘意濃味，又帶咸鮮味可改成海鮮醬，那蠔油就要減少）

茄汁——少許

糖漿——少許

水——少許

麻油—-少少許

💋鍾意食辣可以加埋辣醬同埋咖喱醬

💋鍾意脆口可加入天婦羅脆粒

步驟：

1. 麵類煮熟過冷河，瓜類切絲或片、粟米切粒，然後過冷河。
   
   
   
   
2. 材料瀝乾水份，放入袋內，再放進雪櫃冷藏。

3.材料拿出拌入醬汁，拌均勻，完成。

15分鐘料理-壽喜燒汁煎鯖魚食譜(Sukiyaki Fishすき焼きサバ)

15分鐘煮好餸有可能嗎？當然有啦，煎魚先，其間切菜整沙律再放好伴菜，反魚落汁關火，食飯啦！

今次介紹的是鯖魚配壽喜燒汁，二者配合起來天衣無縫令人朵頤大嚼，這道菜是我研究將軍漢堡時無意發現，快靚正，加上營養價值又高同時價錢又便宜。如果你家中有小朋友，更強烈推介給你！

鯖魚和三文魚都高營養單位價值的魚類，鯖魚含有豐富的鐵質、鈣質、蛋白質、磷、鈉、鉀、菸鹼酸及維他命 B 、 D 群，以及不飽和脂肪酸 EPA 和 DHA 。

研究指出：

1.  在其他水產中鯖魚的 DHA 含量僅次於三文魚，排名第二，足夠的DHA有助於維持大腦神經傳導功能正常運作，幫助腦部細胞運送營養並清除廢物。

2. 其魚油所含的omega-3脂肪酸能保護心臟血管、預防中風，令人記憶力佳。 是最佳魚油來源之一。

3. 還可補充人體內鐵質的不足，還可以幫助婦女改善缺鐵和貧血的現象。

（鯖魚營養價值內容來自網絡）

壽喜燒汁材料：

鰹魚醬油----50ml

水------------50m

米酒/青酒---20ml

味醂---------20ml 

糖------------2茶匙

 

壽喜燒汁是日式火鍋的湯底汁，可以自己整或者去大型超級市場買現成的。如果自己整就先將米酒/青酒煮滾令先酒精揮發後加入其他的材料，煮滾完成。

壽喜燒汁煎鯖魚材料：

急凍鯖魚---------2條

壽喜燒汁---------2-3湯匙（視乎魚大小）

步驟：

1. 鯖魚解凍，抹乾水份，備用。

2. 先煎鮪魚底面至金黃色，反轉煎鮪魚

面，慢慢加大火力煎至魚皮脆身。

3.  轉大火倒入壽喜燒汁，煮滾後將汁淋在魚上，完成。

糖蜜 (molasses)

糖蜜 molasses是棕黑色的並呈黏稠半流動狀態，Molasses有三種（Light Molasses, Dark Molasses & Blackstrap Molasses) 不同的Molasses可以用在蛋糕、飲品、甜點點心、麵包甚至醬汁上，應用較為廣泛。

今次用了沖繩黑糖粉整Molasses，我認為比用台灣黑糖粉味道更好些。

以下我認為不錯的網站介紹三種的Molasses：

http://www.thekitchn.com/a-guide-to-molasses-ingredient-intelligence-210864

材料：

黑糖粉----250g

水---------250g

蜂糖------30g

步驟：

1. 將水同黑糖粉混合煮至滾，滾後輕輕攪拌，再轉小火煮至呈半流動的濃稠度，最後加入蜜糖後關火，放涼後放入已消毒的樽內，放於雪櫃冷藏。

溫馨提示：

1. 放涼後的糖蜜會較濃稠。

美式燒烤醬食譜（Kansas City Style-BBQ Sauce)

自從多年前在澳洲買了第一支支美式BBQ Sauce之後，簡直就是不能自拔，但是香港比較難買到 ，買到的又不是我想要的，就開始了整BBQ Sauce 的生涯了，每馮有party我都比較鐘意整BBQ Sauce 的Rib，因為一定唔會有complaint又簡單! 

外國的超級市場有各式各樣的BBQ Sauce，一食就真係會上癮，因為無論用BBQ Sauce 整Rib、pizza、焗豬頸肉、焗雞翼、炒意粉、甚至用來點牛扒食都好正！我就特別鍾意食Kansas City 的BBQ Sauce ,  因為番茄醬味較重，味道帶甜和少許辣味，醬汁亦較濃稠。所以用來整Rib簡直就是天作之合哦。想味道更加多層次，可以加入Smoked Paprika 加添煙燻味（勁推介加）。

糖蜜（Molasses)食譜：

http://goodwheat.blogspot.com/2016/01/molasses.html

材料：

番茄醬---240ml

水--------200ml

黃糖-----3.5湯匙

糖蜂-----2湯匙（Molasses)（上面有食譜）

*喼汁----1湯匙（Worcestershire sauce）

蘋果醋/紅酒醋---2湯匙

碎洋蔥---2湯匙

黑胡椒粉--2茶匙

黃芥辣---2茶匙

辣椒粉---1.5茶匙（chilli powder / Cayenne)

蒜蓉-----少許

*紅椒粉--1茶匙（Smoked Paprika）

鹽--------少許

步驟：
1. 將所有材料放入鍋中混合拌勻。

2. 中大火煮沸後轉小火煮約 15分鐘至濃稠。（要間中攪拌） 

資源區：

1.  喼汁、烏酢、英國黑醋或伍斯特醬（Worcestershire sauce），是一種英國調味料，味道酸甜微辣，色澤黑褐。（喼汁資料來自網絡）

2. 紅椒粉（Smoked Paprika），紅甜椒採收後，以煙燻方式進行烘焙，讓木頭香氣緩慢地滲入辣椒之中。煙燻乾燥後磨成粉，有著濃郁香氣與鮮豔色彩，聞起來辣嚐起來卻是溫和的甜味，更會散發出濃烈迷人的煙燻氣息。（紅椒粉資料來自網絡）

吉野家牛肉飯食譜（吉野家の牛丼Yoshinoya Beef)

通常我地廣東人煮餸都會先爆香洋蔥呀、薑呀、蒜呀，但原來日本人的煮牛肉飯係一煲過，超快！這個食譜係由個日本人比我，正唔正宗我就唔知，但我就覺得快、靚、正、不能錯過。

 

三至四人分量

材料は：

肥牛肉     300至400g

洋蔥        1粒

水            250ml

鰹魚汁     4湯匙

醬油        2湯匙

白胡椒粉 1茶匙

甜白葡萄酒 4湯匙

昆布        1小塊

薑蓉        1茶匙

糖            2湯匙

步驟：

 

1. 洋蔥清乾淨，鍋中加入甜白葡萄酒，煮至滾加入水再加入洋蔥。

2. 再加入鰹魚汁、醬油、薑蓉和昆布，煮至洋蔥軟身，加入糖和肥牛肉煮10分鐘，食時拿起昆布上碟。